I ndodhur nën presionin e opinionit pas grabitjes së 3.2 milion dollarave në mes të ditës, si një rast i përsëritur, kreu i Rendit, Saimir Tahiri ka kërkuar durim nga qytetarët për kapjen e autorëve. Deklarata e tij e bërë sot, ku ndryshe nga të tjerat me anë të të cilave ka shfajësuar policinë, ka tentuar të qetësojë njerëzit, tregon se dhe vetë njeriu të cilit i është bësuar rendi e ka të qartë tashmë zhgënjimin e njerëzve ndaj policisë, ku vetëm në letra rezulton “institucioni më i besuar”
“Mua më rezulton që Policia e Shtetit ka zbardhur disa ngjarje, përfshi dhe grabitje dhe vjedhje bankash. Më rezoluton se po bëhet një punë e shkëlqyer. Ky standard është shenjë besimi për ne, në asnjë vend të botës nuk pritet që ngjarjet të zbardhen brenda orës apo brenda ditëve. Në asnjë vend të botës nuk pritet që ngjarjet të zbardhen brenda ditës. Gjithësesi ne besimin tuaj e marrim si inkurajimin më të mirë për të bërë sa më shumë punë dhe për të çuar përpara hetimet. Bëni durim rezultatet do vijnë”, ka thënë Tahiri.
Ndërkohë, ndryshe nga ç’thotë ministri Tahiri, policia nuk ka arritur të zbardhë ndonjë ngjarje të bujshme të ndodhur në këto katër vite. Në to përfshihen vrasje si ajo e Artan Santos, rrëmbi dhe zhdukja e Enver Stafukës, vjedhja brenda territorit të Rinas si dhe kjo e fundit; por dhe shtritja e masivizimi i kultivimit dhe trafikimit të hashashit, duke llogaritur që dhe në aksionin e Lazaratit, nuk ra në pranga askush prej kokave të drogës, për të cilët Rama herëpashere e ka thënë se ndodhen në Tiranë. /tesheshi.com/
