Ngjarja e rëndë e ndodhur në Fier ku një burrë hodhi gruan e tij nga dritarja e katit të katërt pasi e rrahu paq brenda ambienteve të shtëpisë, ka çuar në ragimin e ministrit të Drejtësisë, Ylli Manjani.
Kjo pasi deputetja demokrate, Majlinda Bregu, shkroi një mesazh të ashpër në FB në adresë të tij, duke i kërkuat llogari rreth gjyqtarit i cili kishte lëshuar urdhër-mbrojtjeje ndaj burrit vrasës “Ky rast po më tmerron nga ky detaj: Urdhri i Mbrojtjes! Zoti ministër, kush është ai gjyqtar që paska lëshuar një Urdhër Mbrojtje që e lë burrin që gruaja e padit për dhunë, të jetojë në një shtëpi me të derisa ta hedhë nga ballkoni???? Nëse kjo është tërësisht e vërtetë, padinë për këtë gjyqtar, do ta bëj vetë!”, shkroi znj. Bregu.
Dhe ministri i është përgjigjur. Manjani tha se do të nisë nnjë proces hetimor administrativ për cështjen e ngritur nga kolegia Bregu.
“Ndaj të njëjtat shqetësime me zonjën Bregu. Ngjarja është tepër e rëndë aq sa i tejkalon kufijtë e njerëzores! “Burrë-shtazë” që e ka kryer këtë krim meriton pa dyshim një ndëshkim mbi-njerëzor! Do të doja të kisha një informacion shterrues për pyetjet e zonjës Bregu, por në këtë moment pyetjet që ajo ngre janë edhe të miat. Pra pyetjet; Përse megjithë urdhrin e mbrojtjes e ndjera jetonte përsëri me burrin agresor?! Kush ka gabuar gjykata që ka lëshuar urdhrin apo zbatuesit e atij Urdhëri?! Megjithë statusin ende të paqartë ligjor, në këtë situatë post-reformë ( askush nuk e di tashmë nëse duhen zbatuar ligjet e reja, që kanë hyrë në fuqi, por nuk zbatohen dot, apo do vazhdohet me ligjet e vjetra!!), do te çel nesër një proces hetimor administrativ, për të sqaruar këto pyetje. Në çdo rast ky hetim do sqarojë edhe përgjegjësitë përkatëse”, u shpreh Manjani. /tesheshi.com/
