Gjykatat e Kosovës kanë marrë përsipër rastet e krimeve të luftës nga Misioni i Bashkimit Evropian për Sundimin e Ligjit në Kosovë (EULEX) dhe do të jenë gjithashtu ato të cilat do të merren me krimet e serbëve mbi shqiptarët, përveç krimit të kryer nga pjesëtarët e UÇK-së kundër civilëve serbë dhe civilëve të tjerë.
Problemi është se shumë nga ata serbë të dyshuar jetojnë, siç mendohet, në Serbi, gjë që e bën më të vështirë punën e departamentit, raporton Radio Free Europe (RSE).
Që nga viti 2012, vijon përpjekja për të bërë departamentin e krimeve të luftës në Kosovë më operacional, sipas RSE.
Sipas strategjisë për krimet e luftës, ky departament do të forcohet me një total prej pesë prokurorësh dhe staf ndihmës.
Sipas prokurorit kosovar Sylë Hoxha, një numër i konsiderueshëm i rasteve janë marrë nga EULEX-i, gjë që do të kërkojë staf shtesë. /tesheshi.com/
