Lufta në Ukrainë filloi me Krimenë dhe duhet të përfundojë me çlirimin e saj, tha presidenti ukrainas Volodymyr Zelensky.
Ai foli vetëm disa orë pasi një seri shpërthimesh goditën një bazë ajrore ruse atje, duke vrarë një person.
Të martën, një seri shpërthimesh tronditën bazën ushtarake Saky pranë Novofedorivka, në perëndim të Krimesë. Baza ndodhet pranë një vendpushimi që është i popullarizuar në mesin e turistëve rusë.
https://twitter.com/i/status/1557028174898548737
Pamjet në mediat sociale treguan njerëz që vraponin në plazh në momentin e shpërthimit dhe dëshmitarët thanë se dëgjuan të paktën 12 shpërthime.
Ministria ruse e Mbrojtjes tha se shpërthimet ishin rezultat i municionit që shpërtheu në një depo – edhe pse kjo nuk është konfirmuar zyrtarisht, shkruan BBC.
Another view of the large explosion in Novofedorovka in Russian-occupied #Crimea pic.twitter.com/GmDdj3aoin
— Michael A. Horowitz (@michaelh992) August 9, 2022
Zelensky nuk i përmendi shpërthimet, por ai ia kushtoi fjalimin e tij të natës gadishullit.
“Krimeja është ukrainase dhe ne kurrë nuk do të heqim dorë nga ajo”, tha Zelensky.
Krimea është zyrtarisht pjesë e Ukrainës, por u aneksua nga Rusia në vitin 2014 pas një referendumi që komuniteti ndërkombëtar e konsideron të paligjshëm. Shumë ukrainas e shohin atë si fillimin e një lufte me Rusinë. /tesheshi.com/
