Bashkëthemeluesi i BioNTech Ugur Sahin shprehu besimin e tij se vaksina e prodhuar nga kompania e tij së bashku me Pfizer gjithashtu vepron si një mbrojtje kundër llojit indian të koronavirusit.
“Ne jemi ende duke testuar llojin indian, por ai ka mutacione ndaj të cilave ne tashmë kemi testuar vaksinën dhe se ajo është efektive. Kështu që unë jam një optimist,” tha Sahin.
“Vaksina është bërë në një mënyrë të zgjuar, për t’i bërë ballë shumë asaj. Sidoqoftë, nëse duhet të forcojmë murin, do ta bëjmë, nuk shqetësohem,” shtoi ai.
Varianti B.1.617, i referuar më shpesh si indian për shkak të paraqitjes së tij të parë në Indi, është zbuluar deri më tani në “të paktën në 17 vende”, përfshirë Mbretërinë e Bashkuar, Shtetet e Bashkuara, Belgjikën, Zvicrën dhe Italinë, sipas Organizatës Botërore e Shëndetësisë (OBSH).
“BioNTech deri më tani ka testuar vaksinat e saj në më shumë se 30 variante të ndryshme dhe asnjëherë nuk ka pasur një përgjigje të kënaqshme imune ,” tha Ugur Sahin. /tesheshi.com/
