Një ide e mirë i ka bërë tre të rinj që të fitojnë 800 euro për tre ditë. Quhet “Tompac” dhe është një pajisje që pa fije apo tela, në çdo lokal apo vend që të ndodheni, mund të karikoni aparatin tuaj celular.
Është një aparat i madh sa pëllëmba e dorës dhe që mund të vendoset në tavolinë të çdo lokali dhe që kushdo mund ta përdorë. Nëpërmjet saj mund të karikohen deri në katër aparate celularë në të njëjtën kohë.
Të rinjtë që kanë krijuar “Tompac” kanë nisur një fushatë sensibilizuese për të gjetur financues për projektin e tyre.
“Ideja na erdhi në mënyrë natyrale gjatë një bisede që ishim duke bërë në një bar. Kishim celularët pa bateri dhe donim diçka për t’i karikuar. Jemi të gjithë të rinj. Besuam në intuitën tonë dhe biseduam edhe me disa profesionistë dhe ekspertë të kësaj fushe, të cilët na ndihmuan të realizonim idenë tonë”,- tregon Alessandro Tommolillo./tesheshi.com/
