Sa herë ju ka ndodhur të jeni duke shëtitur, të shikoni një park të bukur dhe të keni dëshirën të uleni në lëndinë për të pushuar për një moment, e ndoshta edhe për të marrë pak diell, në mënyrë që të shpëtoni nga jeta frenetike e qytetit?
Shpesh puna është më e ndërlikuar duke qenë se mund të na mungojnë komoditete të caktuara. Mirëpo, shkenca dhe rrobaqepësit kanë arritur të krijojnë një veshje për të zgjidhur këtë problem. Bëhet fjalë për një xhup i cili mund të fryhet dhe të bëhet si jastëk.
Imagjinoni se çfarë komoditeti: udhëtoni me tren, avion apo thjesht ndodheni në një park, fryni kapuçin tuaj dhe krijoni një jastëk të këndshëm për të pushuar pak. Xhupi është prodhuat nga Hypnos, një shoqëri me qendrën në Kaliforni, e cila ka arritur të mbledhë fonde falë platformës Kickstarter.
Për të komercializuar produktin duheshin 30 mijë dollarë, e në fund janë mbledhur mbi 85 mijë. Ideja dukej me të vërtetë e mirë dhe çmimi është mjaft i arsyeshëm, duke qenë se çdo xhup kushton vetëm 50 euro./tesheshi.com/
