Një punë gastronomike 4 kilogramë e gjysmëshe. Shija është e sigurt, sikurse çdo sëmundje që lidhet me mënyrën e keqe t të ushqyerit.
Restoranti Fat Sal’s Deli sapo ka krijuar paninen më kalorike në botë, së cilës ia kanë vënë emrin “The Big Fat Fatty”. Është e kot të bëjmë me dije që restoranti ndodhet në Shtetet e Bashkuara të Amerikës, duke qenë se ky vend njihet për të tilla ushqime kalorike dhe me shumë yndyrë. Për më tepër, Fat Sal’s Deli ndodhet në Hollivud dhe për këtë shpikje të re ushqimore janë zgjedhur me qëllim përbërës ushqimorë aspak të shëndetshëm.
Mbi një bazë buke me gjalpë janë vendosur fillimisht katër cheeseburger e mbi to vezë të ndryshme. Pas tyre vijnë cheesesteak dhe pastërmaja. Mendoni se me kaq mbaron gjithçka? Jo, aspak. Kuzhinierët kanë menduar mirë që të shtojnë edhe 10 pjesë pule, feta mocarele të skuqur, qepë të skuqur dhe shumë bejkon. Mirëpo, nuk mbaron këtu: mbi gjithë këtë yndyrë nga skuqja shtohen edhe kilogramë salce marinare, patat të skuqura dhe majonezë me shumë hudhër.
Shumë prej jush, pasi të kenë lexuar këtë përshkrim, ndoshta ju ka ardhur për të vjellë, por nëse ju bie rruga për në Hollivud mund të shijoni gjithë këtë “ndyrësirë” ushqimore për 50 dollarë. Kujdes me shëndetin, gjithsesi! /tesheshi.com/
