Pushteti opozita në Kosovë assesi të gjejnë rrugëzgjidhje për marrëveshjen e Demarkacionit me Malin e Zi.
Ndërsa, qeveria “Mustafa” është e vendosur që të riprocedojë brenda muajit tetor në kuvend projektligjin në fjalë, opozita e cilëson të vdekur.
Partia më e madhe opozitare në vend, Lëvizja Vetëvendosje përmes kreut të saj Visar Ymeri ka dalë sot me një propozim ku jep pesë pika se si të ece më tutje, derisa bëjnë të ditur se qëndrimi i tyre mbetet i pandryshuar.
“Marrëveshja duhet të shikohet në themel; Kuvendi duhet ta krijojë një komision mbi partiak dhe një komision hetimor të marrëveshjes së 26 gushtit të vitit të kaluar; kryeministri i Kosovës nëpërmes një letre zyrtare duhet të kërkojë nga homologu malazez rinegociim për Demarkacionin; kryeminstri të bëjë një letër zyrtare Bashkimit Evropian që Demarkacioni të mos jetë pengesë për liberalizimin e vizave si dhe të organizohet një konferencë shkencore në Kosovë për demarkacionin”, ka deklaruar Ymeri.
Tashmë pritet një përgjigje qeveritare lidhur me propozimet konkrete të Vetëvendosjes. /tesheshi.com/
