Gianni Pitella, lideri i së majtës europiane, njeriu që u investua fuqishëm në pajtimin mes Ramës dhe Metës në 2013-ën, ka mbajtur anën e kreut socialist në përballje me pretendimet e Blushit që Rama të votohet sipas statutit pasi e udhëheq PS-në pa mandant.
Ai, në një intervistë për Top Channel, edhe pse është shprehur se nuk interesohem për ndarsitë, pasi siç ka thënë, “ato janë çështje të brendshme të partisë”, në fund e ka dhënë opinionin e tij.
“Në shumë vende, roli i udhëheqësit të partisë përkon me atë të udhëheqjes së qeverisë. Matteo Renzi, për shembull në Itali, është në krye të këshillit të Ministrave, pra kryeministër dhe kryetar i Partisë Demokratike. Njësoj ndodh në disa vende të Europës. Unë nuk shoh ndonjë parregullësi, përkundrazi”, ka thënë politikani i majtë Italian që pritet të jetë i pranishëm dhe në kongresin e pritshëm të socialistëve.
Ndërkohë, duhet kujtuar se Blushi nuk ka dalë kundër të qënit të Ramës edhe kryemininistër edhe kryetari i partisë, por ka thënë se në respekt të statutit aktual, Rama duhet të shkojë në votim dhe aty të rikonfirmojë më votë të qënit kryetar partie. /tesheshi.com/
