Në një reagim pas ngjarjes në Torovicë të lezhës ku mbeti i vrarë efektivi i FNSH-së së Shkodrës, Ardian Kodra, kreu i PD Lulzim Basha e quajti atë si tronditëse.
Basha tha se PD do të mbështesë gjithmonë burrat dhe gratë e ndershëm në uniformë.
“Tronditëse vrasja e efektivit të FNSH-së Ardian Kodra në krye të detyrës. Shpreh ngushëllimet më të thella për familjarët e të afërmit e Ardianit dhe për kolegët e tij si dhe vlerësimin më të madh për punën heroike, për këtë sakrificë sublime si sot, në përpjekje për të ndalur një kriminel që terrorizonte Torovicën duke qëlluar me armë. Burrat dhe gratë e ndershëm në uniformë kanë gjithmone mbështetjen e plotë të Partisë Demokratike dhe në vecanti në përpjekjet e tyre për të mbrojtur jetën dhe sigurine e qytetarëve”, tha Basha. /tesheshi.com/
