Banorët e fshatit Imsht në Lushnjë kanë protestuar për mungesën e rrugës dhe investimeve në këtë zonë. Ata denoncojnë kryeministrin Rama se shkoi pak ditë më parë aty dhe inaguroi një rrugë për mikun e tij, që ka ngritur një biznes me sera, ndërsa shprehen se ka lënë në harresë mijëra familje të kësaj zone.
“Në zemër të myzeqesë e Shqipërisë, rreth 500 familje kanë një rrugë një gjendje të mjerueshme ndërkohë që para 4 ditësh erdhi kryeministri Rama dhe inaguroi një investim të një klienti të qeverisë, të një oligarku të oborrit dhe ia çon asfaltin deri në derë të serave”, tha Murrizi.
“Në vend që tua japë atë tokën këtyre hallexhinje që pas vitit 92 janë shtuar dhe kanë fëmijët pa tokë, ua jep atyre që nuk dinë se nga të çojnë paret dhe ia çon asfaltin bashkë me shtyllat e tensionit të lartë deri tek serat. Pra qendrim me dy standarde. Nuk pyesin për fukarenjtë. U shërbejnë atyre që u ngrohin xhepin. Kjo është politika që ndjek qeveria Rama. Vjen dhe inaguron një investim të tij”, tha Murrizi, i cili i siguroi banorët se Partia Demokratike është në mbështetje të tyre dhe nesër në pushtet, hallet që kanë do të jenë prioritet për zgjidhje. /tesheshi.com/
