Partia e cila përfaqëson komunitetin egjiptian në Shqipëri, ajo P.E.I.SH (Partia për Europianizim dhe Integrim në Shqipëri), ka reaguar lidhur me një material filmik të transmetuar në një televizon, ku anëtarë të këtij komuniteti shfaqen duke abuzuar me votat përgjatë procesit të votimit në Dibër.
Kreu i kçsaj partie, Rivelino Çuno, shprehet se kjo forcç politike e shpall veten të distancuar nga ata individë dhe me anë të një deklarate shprehet tenton të sqarojë se ata, me veprimet e tyre, nuk i përkasin as kësaj force politike e as pjesës së shëndetshme të komunitetit egjiptian.
Deklarata:
“P.E.I.SH prononcohet lidhur me fenomenin e shitblerjes së votës së lirë në DIBËR. Me anë të kësaj deklarate publike, Kryesia e PEISH dhe une si kryetar i saj, dënojmë me vendosmëri veprimet e disa individëve nga komunitetit Egjiptian në zonën e Dibrës, të cilët rezulton se jane përfshinë në shitblerjen e votave në zgjedhjet e zhvilluara për Kryetar Bashkie në Dibër. Personalisht, sapo u vura në dijeni për videot e shfaqura nga Televizioni Klan, në emisionin “STOP”, ku u shfaqën individë të komunitetit egjiptian, të cilët nuk janë anëtarë të Partisë për Europianizim dhe Integrim e Shqipërisë P.E.I.SH, (që nuk dihet se kujt shoqate, organizate, apo force politike i përkasin) por që kanë kryer veprime të kundërligjshme dhe të pamoralshme dhe prej të cilëve, ne shprehim dhimbjen, turpin dhe indinjatën tone dhe se distancohemi publikisht dhe me vendosmëri edhe në emër të gjithë vlerave që Komuniteti Egjyptian përfaqëson, kulturalisht dhe politikisht. Gjithashtu kërkojmë prej organeve ligjzbatuese vënien përpara përgjegjësisë ligjore të çdo akti të jashtëligjshëm, të cilat gjithashtu dëmtojnë edhe themelet e një Demokracie Europiane, siç është vota e lirë e çdo qytetari”, përfundon deklarata. /tesheshi.com/
