Kreu i OKB-së, Antonio Guterres sërish e ka pagëzuar Gutën Lindore në Siri si “ferrin mbi tokë”. Ndoshta i pafuqishëm përballë vërtet atij “ferri mbi tokë”, njeriu që drejton Kombet e Bashkuara, së paku nuk po kursehet në thirrje
“Është koha t’i jepet fund këtij ferri në tokë”, tha Guterres në hapjen e sesionit të 37-të në UNHRC-së në Gjenevë.
“OKB-ja është gati të ofrojë ndihmë humanitare për civilët në Gutën Lindore dhe të evakuojë njerëzit e plagosur dhe të sëmurë. Këta njerëz nuk mund të presin më”, tha ai.
Edhe një rezolutë armëpushimi humanitar miratuar një ditë më parë me unanimitet në Këshillin e Sigurimit, nuk ka patur efekt në terren. Ferri sirian vazhdon…/tesheshi.com/
