Kryetari i Komisionit Qendror Zgjedhor, Denar Biba, ka vendosur vulën për votimin elektronik në zgjedhjet e 18 qershorit, duke theksuar se nuk është koha në dispozicion për ta zbatuar.
Gjatë një nënshkrimi marrëveshje për zgjedhjet e ardhshme, Biba tha se nuk di ndonjë vend për implementimin e kësaj teknologjie 5 muaj nga mbajtja e zgjedhjeve parlamentare ne vend.
Partitë politike kanë parashtruar kërkesat e tyre për këto zgjedhje. Socialistët kërkojnë votimin e emigrantëve, demokratët votim elektronik dhe LSI-ja listat e hapura.
Kreu i PD-së, Basha u shpreh para pak ditësh se mënyra e vetme që të mos vidhen zgjedhjet është aplikimi i votimit dhe numërimit elektronik.
Kreu i opozitës tha se ky proces është jo vetëm më i thjeshtë, i pamanipulueshëm, i provuar, por edhe “plotësisht i realizueshëm dhe me kosto më të ulët se sistemi që kemi”.
/tesheshi.com/
