Kryetari i KQZ-së Denar Biba, gjatë një takimi me Policinë e Shtetit, ka ngritur alarmin për vonesat në përgatitjet për zgjedhjet politike të 18 Qershorit.
“Ndryshe nga ju (Policia e Shtetit) ne në KQZ nuk i kemi punët ashtu siç do duhet t’i kishim. Edhe ju nga pozita e qytetarit jeni të vetëdijshëm se si po shkojnë punët. Në një ditë si sot do të duhej të kishim konstituuar Komisionet e Zonave të Administrimit Zgjedhor dhe praktikisht ne nuk i kemi për pamundësi objektive. Dy parti kryesore që do të duhej të kishin ofruar kandidatët e tyre nuk i kanë ofruar. Dhe ne gjendemi në pamundësi për të konstituuar KZAZ-të”, ka deklaruar Biba.
Ai shtoi se nga ana e saj KQZ ka bërë ndërkohë thirrje publike për qytetarët e angazhuar dhe të vetëdijshëm për statusin e tyre në favor të Republikës dhe demokracisë t’i afrohen Komisioneve dhe të kontribuojnë.
Ndërkaq, sot janë regjistruar 6 subjektet e para për 18 qershorin dhe në krye qëndron partia e Edi Ramës, pra PS, por mungon LSI-ja
Ja 6 partitë e regjistruara:
- Partia Socialiste të Shqipërisë
- Partia Emigracioni Shqiptar
- Partia Centriste Mirëqënies Popullore Shqiptare
- Partia Socialdemokrate të Shqipërisë
- Partia Bashkimi Demokristian Shqiptar
- Partia e Punës së Shqipërisë
/tesheshi.com/
