Kryesuesi i listës së Partive Popullore Evropiane (PPE) në zgjedhjet për Parlamentin Evropian, Manfred Weber thekson se Ballkani Perëndimor duhet të ketë njëperspektivë evropiane, por në të njëjtën kohë duhet të ketë një angazhim për përfshirjen graduale të anëtarëve të rinj.
“Ballkani Perëndimor duhet të ketë një perspektivë evropiane dhe për këtë duhet mbështetur”, ka thënë Weber në një intervistë për median e Vjenës.
Por si shtoi se është për ri-modelim të procesit të anëtarësimit.
“Jemi për një përfshirje graduale. Duhet të veprojmë gradualisht për të ulur frikën”, shpjegoi Weber.
Sa i përket Turqisë, ai kërkoi përfundimin e bisedimeve të pranimit dhe premtoi një partneritet të ngushtë.
“Ne kemi nevojë për forcimin e bashkëpunimit, ne duam një shkëmbim më të mirë kulturor dhe studentor. Ne kemi nevojë për një bashkëpunim në luftën kundër terrorizmit dhe në lidhje me Sirinë. Unë jam gati për të folur dhe për liberalizimin e vizave”, tha Weber. /tesheshi.com/
