Andi Dobrushi, kuksiani që drejton Fondacionin Soros në Shqipëri, ka sqaruar për herë të parë rolin Soros në Reformën në Drejtësi, të përfolur aq shumë, sidomos nga opozita.
“Ne nuk kemi ofruar asnjë paketë për Komisionin e Venecias apo për çdo institucion tjetër. Ne kemi asistuar financiarisht parlamentin e Shqipërisë në punën që kanë kryer 60 ekspertët e e emëruar prej tij. Ne kemi investuar 600 mijë dollarë për parlamentin shqiptar praktikisht. Këtu fillon dhe mbaron mbështetja e Fondacionit Soros për Reformën në Drejtësi”, ka deklaruar Dobrushi në një shkrim të VOA-s. E po në të njëjtjin shkrim, ish-kryeministri Berisha, njëherësh kreu në hije i PD-së, thotë se kjo reformë është nga Soros, duke tentuar ta delegjetimojë atë.
“Le të marrim pak reformën në drejtësi. Le të më thotë mua çdo njeri, çfarë do Fondacioni Soros të hartojë strategjinë e reformës në drejtësi. Një qëllim të vetëm ka, për të shëndrruar drejtësinë shqiptare në degë të ekzekutivit të Edi Ramës”, thotë Berisha. Por nga ana tjetër, reforma në fjalë ka patur e ka një mbështetje të plotë nga i gjithë faktori euroatlantik. /tesheshi.com/
