Nga Ylli Pata
Partia Demokratike ka përjetuar një garë reale brenda saj që prej vitit 1992. Edhe pse ka pasur tek-tuk kundërshtime dhe debate, zgjedhja e kreut të Forumit Rinor të Partisë Demokratike ka qenë një zhvillim shumë i rëndësishëm për opozitën.
Aq i rëndësishëm, sa edhe Shkëlzen Berisha, djali i liderit historik të selisë blu e ka quajtur si “të parën garë demokratike” në këtë parti.
Por përveç kësaj analize e cila ja vlen realisht të theksohet si zhvillim potencial, i rëndësishëm ka qenë edhe përfundimi konkret i garës.
Në krye të Forumit Rinor të PD-së është zgjidhur Belind Këlliçi, i cili nuk ka qenë njeriu i “përzgjedhur” nga lideri i opozitës, Lulzim Basha.
Kryetari i PD-së, formalisht por edhe realisht nuk ka mbështetur asnjë kandidat dhe ka lejuar garën të jetë e lirë.
Por nën rrogoz, kandidati i preferuar i Lulzim Bashës ka qenë Ervin Salianji, i cili ka gati një vit që është vënë në tribunat kryesore të opozitës dhe është sponsorizuar.
Ndërkaq, Këlliçi, edhe nga qëndrimi i tij por edhe nga zhvillimet në degët e Partisë Demokratike, ka marrë mbështetje nga baza e fortë e selisë blu që nuk ka marrëdhënie të mirë me Bashën.
Deputetë të PD-së si Topalli, apo dega e Shkodrës që ka përplasje me kryetarin e PD-së, ka mbështetur fare hapur Belind Këlliçin. Madje në një shkrim të botuar tesheshi.com, një nga pjesëtare e FRPD-së në Shkodër, akuzoheshin deputetët e qarkut pikërisht për një diferencim politik në mështetje të Salianjit nga ana e Bashës.
Ndërkaq, ish-zëdhënësi i Ridvan Bodes, gazetari Elvi Fundo, një aktivist i PD-së që prej themelimit, ka sulmuar publikisht kandidatin Saljanji duke e etikuar si të preferuarin e Bashës dhe Henri Çilit.
Por sot ka pasur një tjetër zhvillim politik.
Për herë të pare, për një zhvillim brenda Partisë Demokratike është prononcuar edhe Shkëlzen Berisha, shenjë kjo e një involvimi real, që gjithsesi duhet parë në çfarë forme dhe përmbajtje do të ketë. Në një postim të bërë në faqen e tij në Facebook, i biri i ish-kryeministrit thekson:
“Gare me shume fitues ! Ka kaluar fare pak nga mbyllja e gares per kreun e FRPD. Kryetari i ri eshte Belind Kellici. i uroj fitoren dhe suksese ne ringritjen e forumit, por ai nuk eshte fituesi i vetem i kesaj gare.
Fituesit te saj jane te rinjte demokrate, te cilet per here te pare ne historine e FRPD zgjodhen drejtuesin e tyre ne formen me demokratike, permes votimit nje anetar nje vote.
Fitues te kesaj gare jane dhe Ervini me Orielen. Fale tyre kjo ka qene gara me kompetitive, me e bukur dhe me e vertete e zhvilluar brenda nje partie politike ne 25 vjet pluralizem. Ka qene nje gare deri ne voten e fundit.
Fituese e kesaj gare eshte vete PD, pasi pas saj, ajo eshte me demokratike, me e hapur dhe me e lire.
Shpresoj qe neser te gjithe kandidatet te punojne se bashku per ta rikthyer Forumin Rinor te Partise Demokratike ne nje strukture te mire organizuar dhe eficente, per te ndermarre aksione te forta politike. Te afte per te ndertuar programe dhe reforma per te rinjte. Te denje per te pregatitur lidershipin e gjenerates se ardhshme”.
Tubimi i nesërm do të jetë një provë e re për opozitën dhe Lulzim Bashën, por edhe për grupimin e ri që është dualist në rininë demokrate.
Dhe realisht, e gjitha kjo krijon një hapësirë të re, debate që në fund të fundit përkthehet me më shumë frymëmarrje demokratike. Shkurt e troç: zhvillim pozitiv.
/tesheshi.com/
