Ministri i Jashtëm tuk Mevlut Çavushoglu dhe homologu i tij amerikan, Mike Pompeo ranë dakord të mbajnë një takim në Uashington, bëri të ditur zëdhënësi i ministrisë së jashtme turke, Hami Aksoy.
Duke folur në një konferencë për shtyp, Aksoy tha se data e takimit ende nuk është caktuar.
Lidhur me grupet e punës të krijuara midis Ankarasë dhe Uashingtonit për të kontribuar në normalizimin e marrëdhënieve dypalëshe, Aksoy tha se grupi përgjegjës për çështjet konsullore u takua më parë, duke shtuar se edhe njëri do të mblidhet së shpejti në Turqi.
Çavushoglu dhe sekretari i shtetit i SHBA, Pompeo mbajtën një takim dypalësh muajin e kaluar gjatë një mbledhjeje të ministrave të jashtëm të NATO-s për të diskutuar situatën në Afganistan, Rusi dhe NATO.
Sipas burimeve diplomatike, Pompeo riafirmoi rëndësinë e aleancës së SHBA-NATO dhe mbajtjen e bisedimeve dypalëshe.
Departamenti Amerikan i Shtetit lëshoi një deklaratë pas takimit në Bruksel, duke thënë se Çavushoglu dhe Pompeo “ripohuan mbështetjen e tyre për procesin e përcaktuar dypalësh për të gjetur një rrugë të përbashkët dhe diskutuar mbi angazhimin e Shteteve të Bashkuara për të mbështetur shqetësimet e sigurisë kombëtare të Turqisë”.
Të dy zyrtarët diskutuan gjithashtu rreth mjedisit aktual të sigurisë dhe shqyrtuan përgatitjet për samitin e ardhshëm të NATO-s që do të mbahet në Bruksel më 11 dhe 12 korrik.
Gjatë vizitës së Sekretarit të Shtetit të SHBA-së, Rex Tillerson në Turqi më 15-16 shkurt, u krijuan tre grupe punuese mes dy vendeve për të kapërcyer çështjet që lidhen me Sirinë, grupin FETÖ dhe Irakun.
Përpjekjet e Uashingtonit për të normalizuar lidhjet me Ankaranë janë rritur që kur Turqia filloi operacionin “Dega e Ullirit” më 20 janar për të pastruar vendin nga njësitë e lidhura me PKK-në.
Megjithatë, SHBA ka gjithashtu shpesh kritikoi operacionin me pretendimin se ai po dobëson luftën kundër ISIS-it në Sirinë juglindore.
Turqia ka bërë thirrje autoriteteve amerikane që të ndërmarrin hapa konkretë për t’i dhënë fund pranisë YPG në qytetin verior sirian të Manbij, duke këmbëngulur se këshilli i qytetit Manbij duhet të drejtohet në përputhje me një raport të drejtë të përfaqësimit duke pasur parasysh rezultatet e fundit të regjistrimit n para ndryshimeve demografike në zonën e imponuar nga YPG. /tesheshi.com/
