Drejtori i Organizatës Botërore të Shëndetit (OBSH) Tedros Adhanom Ghebreyesus tha se ndjente keqardhje që Presidenti Trump vendosi të pezullojë fondet për organizatën dhe bëri thirrje për unitet të botës në luftën kundër koronavirusit, raporton Reuters.
“Shtetet e Bashkuara janë një mik i gjatë dhe zemërgjerë i OBSH-së dhe shpresojmë se do të vazhdojë të jetë. Na vjen keq për vendimin e Presidentit amerikan për të pezulluar fondet e OBSH”, tha Ghebreyesus në një konferencë shtypi.
Ai tha se OBSH ende po vlerëson ndikimin e virusit koronar dhe do të përpiqet të mbushë boshllëqet me partnerët.
“Ka ardhur koha që bota të bashkohet në një luftë të përbashkët kundër epidemisë,” tha drejtori i OBSH, i cili e quajti virusin “një armik të rrezikshëm”.
Trump njoftoi të martën se Shtetet e Bashkuara do të pezullojnë përkohësisht financimin e OBSH-së, për shkak të “keqmenaxhimit” në procesin e frenimit e përhapjes së korona virusit. /tesheshi.com/
