Kreu i Organizatës Botërore të Shëndetësisë bëri thirrje për një hetim të ri nga ekspertët në pretendimet e një “rrjedhje virusi Corone” nga një laborator kinez dhe kritikoi mungesën e qasjes në të dhëna nga ekspertët ndërkombëtarë.
Megjithëse ekspertët, të cilët hetuan origjinën e virusit në Kinë në janar dhe shkurt, thanë që pretendimet për një rrjedhje laboratorike nuk kishin gjasa, “kërkohet hetim i mëtejshëm, ndoshta me misione të reja me ekspertë të specializuar që unë jam gati të vendos”, tha Tedros Adhanom Ghebreysus.
Hipoteza që virusi Corona mund të ishte “arratisur” nga laboratori u mbrojt nga administrata e mëparshme amerikane e Donald Trump, bazuar në të dhënat e inteligjencës.
Por Kina gjithmonë e ka mohuar një mundësi të tillë.
Ghebreysus foli pak para lëshimit zyrtar të raportit të origjinës së koronavirusit dhe një konference për shtyp të disa ekspertëve ndërkombëtarë të cilët udhëtuan në Kinë në janar 2021 për të kryer një hetim mbi koronavirusin që u shfaq për herë të parë në Wuhan në dhjetor 2019.
Kreu i OBSH-së tha se ekspertët ndërkombëtarë kishin vështirësi në qasjen e të dhënave gjatë qëndrimit të tyre në Kinë.
“Shpresoj që studimet e reja të përbashkëta do të bazohen në një shkëmbim më të gjerë dhe më të shpejtë të të dhënave,” shtoi Ghebreysus.
Kreu i delegacionit të ekspertëve, Peter Ben Embarek, deklaroi se në Kinë, si kudo tjetër, disa të dhëna nuk mund të ndahen për arsye të privatësisë.
“Raporti është një fillim shumë i rëndësishëm, por nuk është fjala e fundit,” tha shefi i OBSH-së. /tesheshi.com/
