Sekretari i Përgjithshëm i NATO-s, Jens Stoltenberg, ka sulmuar Rusinë si nxitëse të tensioneve pas incidentit me avionin që shkeli hapësirën turke.
Stoltenberg, në një deklaratë në gazetën VVelt am Sonntag, tha se ndërhyrjet ushtarake në rritje të Rusisë sjellin shqetësime. “Vërejmë ristrukturimin e konsiderueshëm të pranisë ushtarake ruse që nga Veriu e deri në Mesdhe. Edhe në ato rajone (skandinave dhe vendet Baltike) duhet të shmangim ngjarje të ngjashme të papritura si ato në Turqi” ka pohuar Stoltenberg.
Në lidhje me incidentin e rrëzimit të avionit, shefi i NATO-s tha se “secili komb ka të drejtën e ruajtjes dhe të mbrojtjes së integritetit të tij territorial”.
Ndërkaq, duke iu referuar situatës në Siri, ai shtoi se “nuk mund të pranohet një zgjidhje e ngjashme me atë në Ukrainë”, duke rikujtuar se pas krizës në Ukrainë, Rusia aneksoi Krimenë.
Sekretari i Përgjithshëm i NATO-s, Jens Stoltenberg ka theksuar më tej se lufta kundër ISIS nuk do të mund të kryhet vetëm me sulme ajrore. /tesheshi.com/
