Situata e acaruar politike në vend, ka qenë pjesë e mesazheve që kreu i NATO-s, Jens Stoltenberg përcolli gjatë një vizitë në tij në Tiranë pasditen e kësaj të diele.
“Dhuna nuk është në pajtim me vlerat tona”, iu drejtua diplomati i lartë opozitës, duke kërkuar, prej saj dhe qeverisë, që t’i hapin rrugë dialogut.
“KE ka rekomanduar për hapjen e negociatave për BE dhe ne duam që ky proces të vijojë. Ne demokraci do ketë gjithmonë debate. Kjo nuk është dobësi, por dhuna bie ndesh mne vlerat tona. I bëj thirrje aktorëve politikë të sillen me vetëpërmbajtje për të vijuar në rrugën e integrimit që problemet të zgjidhen përmes dialogut, për shkak se kjo kontribuon për të ardhmen e Shqipërisë”, tha Stoltenberg.
Ai vlerësoi rolin e Shqipërisë në NATO, sidomos pas dy jetëve të humbura së fundi në operacionet e saj.
“Është kënqaqësi e madhë që kthehem përsëri në Tiranë. Shqipëria është një anëtare shumë e vyer në NATO. Dua të shpreh mirënjohjen për dy ushtarakët trima që humbën jetën muajin që shkoi. Mendimet e mia dhe ngushëllimet më të thella shkojnë për familjet e tyre”, tha Stoltenberg. /tesheshi.com/
