Gjatë fjalës së tij në kuadër të analizës së Kontrollit të Lartë të Shtetit, kreu i këtij institucioni, Bujar Leskaj, bëri me dije se gjatë katër viteve të fundit janë zbuluar dhe konstatuar shkelje me vlerë 128 miliardë lekë.
“Në katër vitet e fundit janë zbuluar shkelje me vlerë 128 miliardë lekë, shumë kjo tetë herë më e madhe se periudha paraardhëse. Shumë zyrtarë mbahen në administratë edhe pse kanë bërë shkelje. Fokusi për këtë vit është përqendrimi i auditimit të performancës kryesisht në marrëveshjet koncesionare në partneritet publik privat dhe në performancën e borxhit publik me synim shëndoshjen e financave publike dhe uljen e risqeve fiskale të vendit”, u shpreh Leskaj
Në vijim ai bëri me dije se KLSH ka kallëzuar një zyrtar të lartë të shtetit për situatën në CEZ, por më pas është bërë pre e sulmeve politike. Leskaj shtoi se pavarësisht sulmeve nga segmente politike, KLSH i qëndron konstatimeve për sektorin energjetik dhe se do bëhen përpjekje për të mos politizuar aktivitetin. /tesheshi.com/
