Ministri i Drejtësisë, Ylli Manjani tha se reforma në drejtësi e ka të nevojshëm konsensusin politik. Në daljen e tij të parë para medias për vitin 2016, Manjani sqaroi atë çka sipas tij kërkon më së shumti Komisioni i Venecias.
“Ajo që rekomandon Komisioni i Venecias është fare e qartë, konsensus politik për të ndërtuar një reformë gjithëpërfshirëse, për të ndërtuar një Kushtetutë minimaliste dhe të thjeshtuar. Kjo është ajo që thotë Venecia dhe për këtë mendoj se është momenti për të çelur dialogun politik”, sqaroi kreu i Drejtësisë shqiptare.
Ndërkohë, në lidhje me rolin e ish-deputetit demokrat, e njëherësh të ish-ministrit të Drejtësisë, Ilir Rusmajli në këtë proçes, Manjani tha se ai është një ndër konstitucionalistët më të mirë që ka vendi sot, në kuptimin e burimeve njerëzore, të trajnimeve dhe të eksperiencës në punë.
“Rusmajli këtu nuk përfaqëson ministrin e Drejtësisë, në kuptimin politik, por përfaqëson veten e tij si ekspert. Ministri i Drejtësisë e ka propozuar për të kontribuuar në hartimin e Kushtetutës dhe të amendamenteve kushtetuese, pas daljes së opinionit të Venecias”, u shpreh Manjani. /tesheshi.com/
