Kreu i Arkivit të Shtetit, Ardit Bido, bëri me dije se rreth 350 mijë dokumente që datojnë nga shek XV-XX, pritet të mbërrijnë nga Arkivi Qendror i Stambollit, për t’u vënë në dispozicion të studiuesve shqiptarë.
Sipas tij, dokumentat që pritet të dixhitalizohen e të bëhen të aksuesueshme për publikun, janë identike me origjinalet dhe pritet të hedhin dritë mbi atë që ka mbetur e pazbuluar nga historianët, se si ishte jeta në Shqipëri gjatë periudhës osmane.
“Dokumentet kanë të bëjnë me çështje fetare, arsimore si dhe shkrimin e gjuhës shqipe. Kemi regjistra ku përfshihen qytete të rëndësishme Prizreni e Janina. Kjo pasuri 350 mijë dokumente dhe të tjera që pritet të mbërrijnë brenda këtij viti. Është mori e jashtëzakonshme dokumentaresh”, tha Bido, duke theksuar se përzgjedhja është bërë nga specialistë shqiptarë.
“Dokumentet u përzgjodhën nga specialistët tanë që kanë shkuar në Stamboll. Janë një pasqyrë e qartë se ç’bënin shqiptarët gjatë periudhës osmane”, Bido.
Që pas rënies së komunizmit, ka një debat të hapur mbi të djeshmen shqiptare në Perëndorinë Osmane. Një pjesë e elitës vijojnë të mbrojnë idenë e një pushtimi, e potencuar kjo nga linja zyrtare e historiografisë komuniste, ndërsa një pjesë mbrojnë idenë e një sundimi, ku shqiptarët mandje u trajtuan të privilegjuar nga Porta e Lartë, duke iu besuar shumë poste e detyra. /tesheshi.com/
