Në një konferencë anti-krim në Tiranë, Prokurori i Antimafias italiane Federico Cafiero De Raho ofroi recetën e njohur të paraardhësve të tij, gjatë hetimeve të krimit të organizuar: “Ndiq paratë!”
“…formula
më efikase për goditjen e krimit është ndjekja e parasë, por edhe ndalimi i
kontakteve mes të burgosurve dhe atyre që janë jashtë burgjeve. Krimi shqiptar
është i specializuar në trafikun e lëndëve narkotike, hetime të shumta janë
duke u zhvilluar në Itali dhe vende të tjera. Të gjitha drejtoritë e rretheve
në Itali janë duke hetuar për këtë gjë dhe që përfshijnë edhe shqiptarë. Janë
krijuar skuadra të shumta të përbashkëta hetimore që bashkëpunojnë në dy
brigjet e Adriatikut”, tha zyrtari i lartë italian.
Sipas tij, “Riinvestimi i paligjshëm dhe
korrupsioni është rrezik shumë serioz. Në cdo vend të botës ka jo vetëm një
lidhje mes korrupsionit dhe rëndësisë ekonomike që ka marrë trafiku i drogës,
por edhe një marrëdhënie e drejtpërdrejt e konsolidimit të organizatave të
mëdha dhe depërtimi në politikën vendore apo qendrore”, tha De Raho,
Prokuror i Antimafias italiane. /tesheshi.com/
