Kryetari i Shoqatës së Gazetarëve në Maqedoni, Naser Selmani i ka shkruar një letër kryeministrit të ri, Emil Dimitriev.
Në këtë letër, siç njofton Selmani në një postim në facebook, ka kërkuar takim zyrtar me kryeministrin ku do të debatohen reformat në sistemin e mediave.
Sipas tij, një ndër pikat kryesore të Marrëveshjes së Përzhinos për krijimin e kushteve për organizimin e zgjedhjeve të lira dhe demokratike janë pikërisht pavarësia e mediave.
Ja dhe postimi i plot Selmanit:
“Këtë javë i dërgova letër kryeministrit Emil Dimitriev, ku e urova për zgjedhjen në detyrën e re dhe i dëshirova sukses në punë.
Njëkohësisht kërkova takim për të biseduar për gjendjen me lirinë e fjalës dhe lirinë e mediave në Maqedoni.
Në letër e përkujtova kryeministrin për nenin 16 të kushtetutës, i cili garanton lirinë e fjalës dhe të drejtën e informimit, si dhe për raportin evropian, ku ka pasur kritika serioze për këtë sferë.
Shpreha gatishmërinë e SHGM të ndihmojmë në refomimin e sistemit të mediave, si një ndër pikat kryesore të marrëveshjes së Përzhinos për krijimin e kushteve për organizimin e zgjedhjeve të lira dhe demokratike.
Shpresojmë se kryeministri së shpejti do të gjejë kohë dhe do të na ftojë në takim”.
/tesheshi.com/
