Kreu i partisë FJALA në Kosovë, Gëzim Kelmendi, i cili vjen nga fusha e mjekësisë duke qenë stomatolg me profesion, ka denoncuar partitë e mëdha në Kosovë duke iu vënë në dukje dukurinë e koalicioneve. Me anë të një statusi në fb, ai ka vënë në diskutim pikërisht moralin e tyre, atë që sipas tij i detyron që për hir të pushtetit të bashkohen në aleanca jo morale.
“Që 17 vite pas luftës në Kosovë jeni parti politike, tash frikësoheni të hyni vet në garë.
Pse po frikësoheni ?!
Nëse jeni të pastër dhe të sigurt se i keni bërë mirë popullit dhe Kosovës, urdhëroni dhe po ballafaqohemi si burrat me 11 Qershor.
Përndryshe, humbjen e keni të sigurt, ngase ne kemi lidhur koalicion me qytetarin, e ju keni lidhur koalicion me interesin dhe xhepin.
Ju mirëpresim me 11 Qershor.
Vota e popullit do të iu tregoj vendin”, shkruan kështu Gëzim Kelmendi, me një protagonizëm tashmë të njohur në politikë, edhe si deputet në parlamentin e Kosovës. /tesheshi.com/
