Eulex do të vazhdojë me kompetenca të plota ekzekutive edhe për dy vite në Kosovë.
Ky ka qenë përfundimi i takimeve mes presidentit të Kosovës, Hashim Thaçi dhe shefit të misionit të BE-së në Prishtinë, , Samuel Zhbogar si dhe me zv/ambasadoren amerikane, Jannifer Bachus.
Kuvendi i Kosovës ende nuk është mbledhur por qeveria e Kosovës e ka miratuar propozim ligjin për zgjatjen e mandatit.
Në një intervistë për “Jeta në Kosovë”, shefi i EULEX-it, Gabriele Meuçi, tha disa ‘incidente’ kanë ndikuar në qëndrimin e Brukselit se ende nuk janë pjekur kushtet që çështjet që kanë të bëjnë me drejtësinë t’u lihen në duar kosovarëve.
Meuçi përmendi pesë raste që kanë të bëjnë me lirimin nga burgjet të tre ish- drejtuesve të UÇK-së në kohën kur Shërbimi Korrektues i Kosovës ka qenë nën vëzhgim strikt nga ana e EULEX-it.
“Disa komandantë të UÇK-së duhet të ishin në burg e tani janë të lirë.
Dy anëtarë të parlamentit që u dënuan me burg për krime lufte, por ne mezi bindëm autoritetet që nëse ekziston një vendim i prerë, atëherë ata persona duhet të shkojnë në burg dhe mos të presin në dhomat e pritjeve përgjithmonë”, tha Meuçi duke iu referuar rasteve të dy ish-deputetëve të PDK-së, Rrustem Mustafa e Latif Gashi, të dënuar për krime lufte.
/tesheshi.com/
