Kreu i anti-mafias italiane, Federico Cafiero de Raho, ka shprehur shqetësim për faktin se krimi shqiptar, ai i lidhur me trafikun e drogës, po sundon tashmë dhe vendin fqinj,
“Trafiku i kanabisit vijon të jetë shqetësim për Italinë. Edhe në takimin me Xhafajn e shpjeguam që shumë hetime janë çuar para. Është krijuar një njësi task-force dhe kjo gjë është e rëndësishme.
Kanabisi që prodhohet në Shqipëri sillet në Itali. Largimi i punonjësve të policisë që mund të kenë bashkëpunuar me grupet kriminale është shumë e rëndësishme.
Duhet krijuar një strukturë e besushme dhe të individualizohen njerëzit e ndershëm. Gjatë punës sime kam goditur grupet kriminale që kishin lidhje në polici. Për vite këto struktura nuk kanë funksionuar në mënyrë të mirë dhe është e dukshme.
Këtë na e ka thëne edhe ministri i Brendshëm. Vettingu tregon dëshirën e mirë për të luftuar krimin”, tha prokurori anti-maf Federico Cafiero de Raho pas takimit me Kryeprokuroren e përkohshhme Arta Marku. /tesheshi.com/
