Pas kalimit në amshim të Rrok Mirditës, një prej klerikëve më të njohur të katolikëve shqiptarë, ish-arqipeshkv metropolit i Arkidioqezës Tiranë – Durrës, Bashkësia Islame të Kosovës, BIK, ngushëllon Kishën Katolike të Shqipërisë, por dhe të gjithë komunitetin e bësimtarëve dhe prijësat e tyre, për humbjen e atij të cilin e cilëson prijës të devotshëm e të për kushtuar ndaj fesë, popullit e atdheut.
“Arqipeshkivi Rrok Mirdita ka qenë një njeri i përkushtuar, i urtë dhe i devotshëm, që ka kontribuar në fisnikërimin e popullatës, kultivimit e dashurisë, respektit, tolerancës e mirëkuptimit ndërfetar e ndërnjerzor”, thuhet në ngushëllimin e BIK-ut.
Sipas BIK-ut, “populli ynë gjithherë ka dhënë njerëz të urtë, vizionarë, të dituar e të devotshëm, i tillë ka qenë edhe Arqipeshkvi RrokMirdita0.”
“Kisha dhe besimtarët katolikë kanë humbur prijësin e tyre të dashur e të respektuar; komunitetet e tjera fetare humbën një bashkëpunëtor, një mik e një bashkudhëtar të paçmuar; ndërsa populli shqiptar humbi një bir të urtë e të devotshëm. Prandaj dhimbja është e përbashkët për të gjithë njerëzit e vullnetit të mirë.Të gjithëve, edhe njëherë, ju shprehim ngushëllimet tona më të sinqerta!”,thuhet në fund të tesktit ngushëllues të BIK-ut, Bashkësisë Islame të Kosovës.
/tesheshi.com/
