Më 30 janar ishte përvjetori i vrasjes së mbrojtësit të Shkodrës në luftën me serbo-malazezët, komandanti i garnizonit turk, Hasan Riza Pasha.
Ai prej disa vitesh është nderuar edhe me një përmendore në qendër të Shkodrës, por drejtues të rëndësishëm politik në qytet jo vetëm e kanë harruar por kanë tentuar dhe të konfondojnë me ngjyra paragjykuese fetare dhe nacionale.
Më 30 janar 1913, Hasan Riza Pasha u vra nga Osman Bali, i cili u porosit nga Esat Pashë Toptani, pas rezistencës së Hasan Rizait që Shkodra të mbrohet nga serbomalazezët që synonin të pushtonin qytetin përpara se Konferenca e Londrës të caktojë kufijtë e Shqipërisë.
Por komandanti i shquar mbodhi parinë e qytetit dhe i kërkoi që të mbronin me çdo kusht qytetin.
Ndërsa Toptani firmosi dorëzimin e qytetit, komandanti i garnizonit ndërtoi fortifikime dhe hartoi një plan fitues, i cili ndaloi përfundimisht pushtimin e Shkodrës.
Duhet thënë se në mbrojtje të Shkodrës kishin ardhur 55 mijë vullnetarë nga i gjithë vendi. /tesheshi.com/
