Besimtarët muslimanë kremtuan Fiter Bajramin, një finalizim i muajit të Ramazanit, i cili shoqërohet nga riti i agjerimit.
Fiter Bajrami, është ndryshme një lloj “rilindjeje” etike dhe shpirtërore e individit, ku Zoti, nga rruga e agjerimit, ia mundëson pastrimin dhe rifillimin “edhe njëherë nga e para”, duke e rikthyer në gjendjen fitre, që është dhe natyrshmëria njerëzore e “pa bërë pis”, me të cilën lind njeriu.
Ndaj, nga kreu i ri i Komunitetit Musliman, Bujar Spahiu, u përçua pikërisht ky mesazh në fjalëmbajtjen e tij pas faljes së namazit të këtij Fiter Bajrami, me tubimin e besimtarëve në sheshin “Skënderbej”.
“Zoti i madhëruar thotë: ‘Për Mua agjëruat në muajin e Ramazanit dhe sipas urdhrit tim falët namazin e Bajramit. Kthehuni tani në shtëpitë tuaja të pastruar nga gjynahet e falura’”, u shpreh Spahiu
“Le të shërbejnë këto ditë feste për më shumë mirësi, vëllazëri, miqësi dhe dashuri, në të mirë të shoqërisë, kombit dhe gjithë njerëzimit!”, shtoi më tej kreu i muslimanëve të Shqipërisë. /tesheshi.com/
