Komponentët për sistemin e mbrojtjes ajrore S-400 mund të prodhohen në Turqi, tha të enjten Dimitri Peskov, zëdhënës i presidentit Vladimir Putin.
“Ne nuk po flasim për një zinxhir të plotë prodhimi, sepse është një lloj i ri arme, por është e mundur të mundësohet prodhimi i disa komponentëve”, tha ai, duke shtuar se “ky prodhimi mund të jetë realizohet në Turqi”.
Deklarata e tij erdhi pasi Turqia tha se mund të porosisë më shumë sisteme S-400 nga Rusia në rast se Shtetet e Bashkuara nuk i japin sistemin e raketave Patriot.
“Rusia është e hapur, Rusia ka shumë aftësi, kompetencë teknologjike dhe, sigurisht, Rusia po kërkon një mundësi për të zgjeruar bashkëpunimin ushtarako-teknik. Është një proces absolutisht normal”, tha Peskov.
Uashingtoni po përpiqet të ndërpresë blerjen turke të S-400 nga Rusia dhe javën e kaluar ndaloi marrjen e pjesëve dhe pajisjeve për F-35,të cilat prodhohen në Turqi.
Zyrtarët amerikanë kanë sugjeruar se Turqia më parë duhet ë blejnë sistemin e tyre Patriot sesa S-400, duke argumentuar se ajo është në përputhje me sistemet e NATO-s dhe se Moska do të mund, në mënyrë indirekte, të marrë parametrat kryesore të bombarduesit amerikan.
Turqia u përgjigj se refuzimi i SHBA për të shitur sistemet Patriot çoi në kërkimin e shitësve të tjerë, duke shtuar se Rusia ofroi një marrëveshje më të mirë, përfshirë shkëmbimin e teknologjisë. /tesheshi.com/
