Sanksionet e SHBA-së kundër tubacionit të gazit Nord Stream 2, ndërtimi i së cilës është afër përfundimit, janë një formë e “luftës hibride”, tha Dmitry Peskov, një zëdhënës i Presidentit rus Vladimir Putin.
“Eshtë me të vërtetë një formë e luftës hibride. Shtetet e Bashkuara po i përdorin ato si një luftë hibride”, tha ai.
Gazsjellësi do të transportojë gaz rus drejtpërdrejt në Gjermani përmes Detit Baltik, në një rrugë të ngjashme me atë të tubacionit ekzistues me të njëjtin emër.
Ndërtimi i tubacionit rinisi këtë muaj, pasi u pezullua vitin e kaluar për shkak të vendosjes së sanksioneve të SHBA.
Gazsjellësi thuhet se është i përfunduar më shumë se 90 përqind.
SHBA kritikon Nord Stream 2, duke pretenduar se kërcënon sigurinë e aleatëve të saj të NATO-s në Bashkimin Evropian, sepse rrit varësinë e tyre nga Rusia.
Rusia akuzon SHBA për përpjekjen për të bllokuar projektin në mënyrë që të mund të vazhdojë të shesë gazin e saj më të shtrenjtë në tregun evropian. /tesheshi.com/
