Presidenti rus Vladimir Putin dhe homologu i tij amerikan Donald Trump, pritet të flasin me telefon për herë të parë të shtunën, ka njoftuar Kremlini.
Zëdhënësi Dimitry Peskov u përgjigj me një “po”, kur u pyet nga agjencia e lajmeve RIA Novosti të premten, nëse një bisedë e tillë në mes të dy liderëve ishte e mundur, raporton CNN.
Thirrja telefonike do të jetë hapi i parë i rëndësishëm drejt asaj që Kremlini dhe Shtëpia e Bardhë shpresojnë të jetë një relaksim i marrëdhënieve në mes dy vendeve, të cilat u tensionuan nën administratën e mëparshme të SHBA-së.
Biseda e tyre do të jetë subjekt i vëzhgimit të hollësishëm nga kritikët e Trumpit, pasi agjencitë e inteligjencës së SHBA-ve kanë pohuar se shërbimet ruse të sigurisë u përpoqën që të ndikojnë në zgjedhjet presidenciale SHBA-së në favor Trumpit.
Gjatë fushatës zgjedhore të SHBA-së, Putin dhe Trump vlerësuan cilësitë personale të njëri-tjetrit dhe thanë se kishin shpresë se ata mund të rivendosin marrëdhëniet mes dy vendeve.
Trump ka ngritur mundësinë e rishikimit të sanksioneve që janë imponuar ndaj Rusisë, pasi Moska ka aneksuar rajonin e Krimesë së Ukrainës në vitin 2014, dhe ka ndihmuar rebelët pro-rusë në luftën kundër forcave qeveritare në lindje të Ukrainës. /tesheshi.com/
