E kanë liruar pak ditë përpara festës së Krishtlindjeve dy vite më parë, dhe dy ditë përpara kësaj feste, kanë kërkuar arrestimin e tij. Mikhail Khodorkovskij, ish oligarku rus i naftës i cili ka vuajtur 10 vite burg nën akuzën e evazionit fiskal dhe që është ‘falenderuar’ e liruar nga Vladimir Putin në vigjiljen e Olimpiadës dimërore të Sochi, është vënë sërish nën objektivin e Kremlinit.
“Një mandat arresti ndërkombëtar u lëshua kundër Mikhail Khodorkovskit. Drejtësia ka urdhëruar gjithashtu ndalimin e ish-drejtuesit të grupit të naftës Iukos”, deklaroi në një komunikatë zëdhënësi i Komitetit rus të hetimit, Vladimir Markine.
Kundër Khodorkovskij është lëshuar të martën në mëngjes një mandat arresti ndërkombëtar, pasi dyshohet se ka urdhëruar në vitin 1998 , vrasjen e Vladimir Petukhov, kryetar i bashkisë së një qyteti të pasur me naftë në Siberi.
Në origjinën e konfliktit qëndrojnë taksat e kërkuara nga kryebashkiaku kundrejt kompanisë naftëmbajtëse të Khodorkovskij./tesheshi.com/
