Presidenti Meta vendos të provojë më 2 mars atë që kishte planfikuar më 8 dhjetor, por që s’mundi për shkak të tërmetit.
Ai tha se atë ditë ai do firmosë një dekret para popullit, me pretendimin se këtë të fundit e ka më vete përballë qeverisë.
Me tezën e “grushtit të shtetit”, promovuar prej ditësh, ai doli sërish para mediave për të shpallur inisiativën e asaj që ai thotë se do e shpartallojë.
“Nëse kjo godinë, ky institucion është sot një kështjellë e vetme, për fat të keq, por e pamposhtur e mbrojtjes së demokracisë, nga data 2 mars kur do të firmoset dekreti i parë kundër grushtit të shtetit, përpara popullit në bulevard, ku do të lidhim një besëlidhje për të shpartalluar regjimin e oligarkëve…”, tha njeriu që është në krye të shtetit si president.
Në 2 mars ju presim të gjithëve pasdite në bulevardin ‘Dëshmorët e Kombit’, falë popullit shumë shpejt, nuk do të ketë vetëm një institucion që është Presidenti në mbrojtje të Kushtetutës, por të gjithë këta institucionet që janë në bulevard do i kthehen popullit”, vijoi kreu i shtetit.
Sipas tij, e gjitha kjo nga fakti se mazhoranca kërkon të kapë drejtësinë, duke pretenduar se ajo po shkel Kushtetutën në procesin e emërimeve në Gjykatën Kushtetuese. /tesheshi.com/
