Në Arkansas dhe më saktësisht në Murfreesboro ndodhet Krateri i Diamanteve, një minierë tepër e veçantë dhe e vetmja e cila është e hapur e mund të vizitohet nga njerëzit, në të gjithë botën.
Veçantia e këtij vendi qëndron në faktin se vizitorët mund të marrin gjithçka që ata gjejnë. Çdo vit janë plotë 600 diamante, të formave dhe përmasave të ndryshme, të cilët gjenden nga vizitorët. Ekzistenca e diamanteve në këtë krater është zbuluar në vitin 1906 nga një fshatar, banor i zonës, me emrin John Huddlestone, i cili kishte pasur një punishte në këtë vend.
Shumë shpejt lajmi mori dhenë dhe nisën të vijnë shumë persona kurioz në kërkim të diamanteve. Johnit nuk i interesonte të merrej me një minierë, kështu që vendosi të shiste tokën. Megjithatë, edhe ai që e bleu, arriti të kuptonte se tregtia nuk po i sillte përfitime, pasi diamantet ishin me të vërtetë shumë të rrallë, por vlera e tyre ishte e pamjaftueshme dhe shumë e ulët sa i takon përballimit të kostove.
Kështu, në vitin 1952 miniera u hap për publikun, i cili mund të merrte me vete dhe të shiste diamantet që mund të gjente në këtë vend. Deri në vitin 1975, kohë kur toka u ble nga shteti, miniera u kthye në një park kombëtar lehtësisht i aksesueshëm./tesheshi.com/
