Në Siberinë veriore, temperaturat në rritje po shkaktojnë kratere gjigante misterioze dhe pasojat më të tmerrshme mund të jenë në të ardhmen.
Sipas tyre, toka e ngrirë e provincës ruse, e quajtur permafrost, po shkrin, duke shkaktuar ndryshime masive në peizazhin dhe ekologjinë e rajonit. Kjo mund të kërcënojë edhe jetën njerëzore.
“Herën e fundit që është parë një shkrirje e permafrostit ka ndodhur 130.000 vjet më parë. Është një fenomen natyror për shkak të ndryshimeve në orbitën e tokës”, ka thënë profesori i shkencave të tokës në Universitetin e Oksfordit, Dr. Gideon Henderson.
“Ajo që padyshim është e pashembullt në kohën tonë, është shkalla e ngrohjes . Ngrohja që ndodhi 130.000 vjet më parë ndodhi përgjatë mijëra vjetëve, ndërsa ajo që shohim që po ndodh tani është një ngrohje që ndodh gjatë dekadave apo një shekulli. Prandaj ne po shohim një kolaps shumë më të shpejtë të ngritjes së temperaturave nga ngrohja globale”, ka thënë Henderson.
“Është e qartë se shpërbërja e shkrirjes ka një efekt të rëndësishëm në klimën”, ka theksuar më tej Henderson. Në kushte normale, permafrosts, rregullojnë sasinë e karbonit në mjedis duke marrë dhe ruajtur pjesë të rëndësishme të karbonit që njerëzit lëshojnë nga djegia e karburantit fosil. Në rastin e Siberisë, ky fenomen është mjaft domethënës.
“Kur permafrosts, kryen lirimin e karbonit, kjo do të përshpejtojë normën e ngrohjes në të ardhmen,” tha Henderson. Është krijuar një kurth për fenomenin e vetë-përforcimit me anë të të cilit ngrohja çliron më shumë karbon, gjë që ndikon në ngrohjen më të madhe të planetit. Që nga viti 2014, janë zbuluar disa gropa masive në rajon. E para thuhet se matet mbi 50 këmbë gjerësi. Ka disa hipoteza se si formohen këto kratere, por asnjë prej tyre nuk është provuar përfundimisht, sipas Dr. Vladimir Romanovsky, profesor i gjeofizikës në Universitetin e Alaskës Fairbanks.
“Po të gjitha këto hipoteza, megjithatë, përmendin faktin se temperatura në rajon po rritet,” tha Romanovsky. Ai thekson se formimi i këtyre vrimave kratere, mund të ketë pasoja të rëndësishme për komunitetin e Siberisë dhe për mjedisin botëror në përgjithësi./tesheshi.com/
