Kryetari i Këshillit Kombëtar i Nismës për Kosovën, Jakup Krasniqi përmes një postimi në FB ka komentuar lajmin që ka qarkulluar në mediet serbe se “Rama anuloi Thaçin për të ardhë Vuçiç në stadium”.
“Nuk kam gjë kundër, pasi Thaçi ndeshjen mund ta shikoj edhe në TV, por kam një kërkesë: Na kurseni nga fjalët e mëdha para kamerave televizive. Bëni punë të mira për kombin pas kamerave, për çka jeni të thirrur. Nëse vërtetë doni ti ndihmoni shqiptarët që të gjitha shpresat i kanë vë në ikje nga Atdheu,” ka thënë Krasniqi.
Ai i ka bërë thirrje liderëve politik që futbollin le ta luajnë futbollistët. Ata paguhen për zanatin e tyre. Secili le ta bëjë punën që e di më se miri.
Krasniqi ka shprehur gëzimin për fitoren e kombëtares, duke theksuar së djemtë e meritojnë fitoren.
“Unë i gëzohem dhe shumë bile fitores se kombëtares sonë. Ata djem e meritojnë fitoren! Për çka i UROJ NGA ZEMRA,” ka shkruar Krasniqi në FB./tesheshi.com/
