Kraja është një nga qytetet shqiptare më të vjetra në Mal të Zi, por që prej një shekulli është asimiluar nga një politikë antishqiptare e Podgoricës e konkretizuar edhe nga Kisha Ortodokse Serbe që ka ngritur manastiret e saj në këtë qytet.
Por shqiptarët janë “zgjuar” dhe më 7 nëntor do të zhvillojnë një manifestim të madh në Krajë, duke marrë shkas nga “Festa e gështenjave”.
“Takimi do të mbahet në fshatin Ostros dhe të gjitha përgatitjet janë bërë”, tha anëtari i komisionit organizativ, Beqir Berjashi.
Kjo festë pritet që në Krajë të mbledhë edhe këtë vit një numër të madh mysafirësh nga të gjitha trevat shqiptare në Mal të Zi por edhe më tej.
Sa i përket prodhimit dhe cilësisë së vetë gështenjave, ky vit thonë krajanët është ndër më të bereqetshmit i kohëve të fundit./tesheshi.com/
