Ministri i Jashtëm venezuelian, Jorge Arreza ka paralajmëruar se populli i Venezuelës po përballet tashmë me një sërë vështirësish dhe sfidash për shkak të sanksioneve të Shteteve të Bashkuara.
“Nëse Shtetet e Bashkuara shkojnë më tej, duart e Trump mund të ndoten me gjak”, tha Arreaza në një konferencë shtypi në selinë e Kombeve të Bashkuara në Nju Jork.
Ai akuzoi SHBA për përpjekjen për të kryer grusht shteti në Venezuelë, duke shtuar se Uashingtoni kërkon t’i marrë këtij vendi naftën, arin dhe minerale të tjera.
Ai gjithashtu vuri në dukje se Venezuela nuk e lejoi hyrjen ndihmave humanitare të dërguara nga Shtetet e Bashkuara sepse, siç tha ai, ata nuk besojnë se Uashingtoni me të vërtetë dëshiron t’i ndihmojë ata.
“Le të jemi të sinqertë: a duan me të vërtetë të na japin ndihmë?”, pyeti ai retorikisht.
“Nuk ka krizë humanitare, këto janë pasojat e sanksioneve”, shtoi më tej.
Ai bëri thirrje për heqjen e sanksioneve kundër vendit të tij, duke shtuar se nuk kishte krizë humanitare në Venezuelë.
“Në Venezuelë nuk ka krizë humanitare, por kemi një ekonomi në embargo”, tha Arreaza dhe shtoi se ishin të gatshëm të uleshin në tryezë me opozitën dhe të bisedonin.
Ai paralajmëroi se situata në Venezuelë mund të përkeqësonte më tej nëse SHBA vazhdon të ndërhyjë në çështjet politike.
“Ajo që ndodhi në Vietnam do të ndodhë edhe në Venezuelë. Vetëm populli amerikan mund ta ndalë çmendurinë e Trump”, u tha gazetarëve Arreaza. /tesheshi.com/
