Në një takim të të shtuquajturit Komunitet Politik Europian, mbajtur në Granada të Spanjës, një instancë e re e ideuar nga Macron, kryeminsitri Rama ka shmangur çdo pozim me Vuçiçin, madje duke mos e patur askund të këtë të fundit në sfond, e zgedhur të përqafohet e të pozojë krah presidentes Osmani.
Rama edhe njëherë ka përcjellë mesazhin e asnjëlloj hatërmbetjeje me udhëheqësen kosovare, e cila ka një prirje të dukshme, qyshse është zgjedhur në krye të Presidencës, për të qenë kritike me kryeministrin e Shqipërisë, për çdo rast e në çdo kohë, kur është Kosova në mes. Ngjashëm dhe Kurti. Megjithatë Rama luan gjithnjë rolin e njeriut që nuk ndikohet prej reagimeve të lidershipt kosovar, së paku në aspektin etik, duke shpërfaqur gjithnjë një sjellje vëllazërore, edhe në kohë ftohjesh të mëdha. Ndaj me gjasë, edhe nëse në Granada do ishte Kurti, krahqafa e tij e tillë do qe.
Tashmë ky gjest ka dhe një përmasë të fortë politike, në kushtet kur Serbia ka tentuar të tregojë dhëmbët me anë të forcës, duke zhbërë të gjithë korpusin e biedimeve diplomatike të deritanishme në raport me Kosovën. /tesheshi.com/
