Në do t’i vësh një shenjë vlerësuese kohës që po jetojmë, mjaft t`i referohesh llojit të këngëve, të muzikës, asaj që konsumohet sot nga masa të rinjsh, ku duke nisur sidomos nga teksti, të përshkon një rrënqethje trishtuese se si fjala dhe notat janë marrë peng nga një brez tuhafësh, kokëboshësh par exellance , delirantësh, e madje edhe të fortësh, që nëpërmjet rubrikës së tmerrshme gazetareske shoë biz, janë bërë njëshat e shoqërisë.
Dikush ka zgjedhur një formë origjinale denoncuese për këtë kob që ka kapluar, për fat të keq jo vetëm shoqërinë shqiptare, pasi edhe bota po përjeton një valë të llahtarishme të degradimit të muzikës, e cila ka rrëshqitur, në vanitet është pak të thuash, por në një porno të gjallë.
Si gjithnjë në FB, ëshë paraqitur në formë krahasuese një tekst i vitit `94 dhe një tekst i tanishëm, të dyja nga muzika shqiptare.
Në të parin bëhet fjalë për penën e artë poetike të pas ‘90-ës, Ervin Hatibi, që gjiithsesi, edhe mos ishte ai i marrë si model por ndokush tjetër, prapë se prapë do i vinte era art vargut. Ndërsa tek tjetri nuk ka nevojë t’i dihet autori. Ai është çdokushi që vështirë se ka lexuar ndonjë libër në jetë, a më pak të ketë shijuar ndonjë poezi. /tesheshi.com/
