Gazeta amerikane The Nation botoi një artikull në të cilin autori Greg Grandin thotë se presidenti Donald Trump prej një kohë të gjatë po mendon për një ndërhyrje ushtarake në Venezuelë dhe për këtë arsye pyet nëse ky shtet do të ketë fatin e Irakut. Ajo çfarë i bashkon të dyja, edhe pse shumë larg njëra-tjetrës, është nafta.
Grandin, një historian dhe profesor i historisë në Universitetin e Nju Jorkut, shton se Trump në verën e vitit 2017 u përpoq të bindë zyrtarët për sigurinë kombëtare në domosdoshmërinë e një operacion ushtarak në vendin e prekur nga kriza.
Ai thekson se Trump bëri thirrje për pushtimin e Venezuelës, ngjashëm siç ish-presidenti Xhorxh Bush në Panama nga 1989 në 1990, duke konsideruar një lëvizje të tillë të të ndjerit si një precedent pozitiv.
Ai thotë se Trump ishte serioz në lidhje me propozimin e tij, por që u tërhoq nga një grup këshilltarësh ushtarakë dhe civilë, që së bashku me udhëheqës të huaj i propozuan tjetër rrugë, atë të diplomacisë. Ai ngarkoi senatorin nga Florida, Marco Rubio, i cili, së bashku me këshilltarin për Sigurinë Kombëtarë John Bolton dhe Sekretarin e Shtetit Mike Pompeo, nisën bashkërendimin me opozitën në Venezuelë.
Autori thotë se zv/Presidenti Mike Pence, të martën u bëri thirrje venezuelianëve që të dalin për të protestuar më në fund dhe të rrëzojnë presidentin aktual Nicolas Maduro.
Të mërkurën, Juan Guaido, kreu i Asamblesë Kombëtare venezueliane nën kontrollin e opozitës e shpalli veten president.
Ai thekson se Shtetet e Bashkuara shpejt e njohën presidentin e ri të Venezuelës,e pas saj Kanadaja, dhe shumë shtete të fuqishme të Amerikës Latine, si Brazili, Argjentina dhe Kolumbia, dhe Mbretëria e Bashkuar.
Grandin shpjegon se Trump-it, Venezuela i duket e ngjashme me Panamanë, për shkak të faktit se që të dyja i bashkon kriza, ndonëse në kohë të ndryshme.
Regjimi venezuelian përballet me një sfidë që përfaqëson një opozitë relativisht të bashkuar.
Ai shton se Uashingtoni mund të shfrytëzojë këta faktorë për të justifikuar ndërhyrjen ushtarake në Venezuelë dhe pastaj të vendoset në pushtet kur ndërhyrja të ketë përfunduar.
Autori i tekstit thotë se është e qartë se Trump është duke u përpjekur për të përdorur krizën e Venezuelës që ta marrë atë si një justifikim për t’i dhënë fund bllokimit aktual.
Grandin thekson se kushtet aktuale janë disi të ngjashme me kushtet që i paraprinë pushtimit amerikan të Panamasë dhe Irakut.
Ai shton se Eliot Engel, kryetar i Komitetit të Punëve të Jashtme, mbështet qëndrimin e Trump për Venezuelën dhe se premtoi të fusë një ligj që do ta mbështeste atë.
Është menduar gjithashtu se Trump mbështetet nga përfaqësuesi i demokratëve në Florida, Donne Shalale.
Autori i tekstit thotë se kryetari i Dhomës së Përfaqësuesve të Kongresit amerikan, përmes Twitter-it njoftoi se “Amerika qëndron me popullin e Venezuelës në revolucionin e tyre kundër sundimit autoritar dhe i kërkoi që të respektojnë të drejtat e njeriut dhe demokracinë”.
Gjithashtu, Andrew Gillum, një ish-kandidat për guvernator të Floridës, njoftoi në Twitter se mbështet politikën e Trump-it ndaj Venezuelës.
Duke iu kthyer protestave në Venezuelë, autori thotë se ndryshe nga protesta e mëparshme e opozitës në vend, të varfrit pritet të bashkohen me demonstratat që kërkojnë heqjen e Maduros. /tesheshi.com/
