Komisioni Qendror i Zgjedhjeve ka votuar kundër heqjes së mandatit për deputetin Tom Doshi duke rrëzuar kështu kërkesën e prokurorisë në kuadër të ligjit të dekriminalizimit.
Vendimi i KQZ-së u miratua unanimisht nga të gjithë anëtarët e saj. Kreu i ri i këtij institucioni, Klement Zguri tha se ky vendim u mor në mënyrë unanime, por mund të ankimohet.
Prokuroria në kërkesën e saj argumentonte se deputeti ka pasur një dënim në vitin 1990, i cili bën pjesë në listën e dënimeve që preken nga ligji i dekriminalizimit.
Avokati i Doshit, Vladimir Meçe sqaroi se ngjarja e vitit 1990 nuk e djeg kandidimin e tij, pasi ajo vepër penale tashmë është shlyer dhe Doshi e ka kaluar edhe periudhën e rehabilitimit për t’u konsideruar i pastër.
Doshi cili mban akoma mandatin e marrë në emër të Partisë Socialiste në zgjedhjet e 25 qershorit do të garojë për PSD-në e Skënder Gjinushit duke kryesuar listën e Shkodrës. /tesheshi.com/
