Klement Zguri, kryetari aktual I KQZ-së ka vendosur që të mos ofrojë spektakël horror me fletët e votimit, si parardhësi i tij Arben Ristani në vitin 2010.
KQZ-ja ka vendosur që të mos i djegë fletët e votimit të zgjedhjeve parlamentare të 25 qershorit, si dhe ato të zgjedhjeve të pjesshme të Bashkisë Kavajë, por t’i riciklojë.
Një fund më i butë dhe më fitimprurës.
Tashmë pritet që së shpejti të zhvillohet edhe tenderi për fundin pa pamje horror, por gjithsesi me të njëjtin fund për dokumentacionin zyrtar të zgjedhjeve parlamentare.
Ndërkaq, KQZ-ja ka vendisur që t’i heqë të drejtën e zgjedhjes një këshilltari të Bashkisë së Lezhës pasi e kap dekriminalizimi, ndërkohë që do të verifikojë 9 zyrtarë të tjerë.
Ndërkaq, në lidhje me çështjen e ofruar si skandal nga ana e mazhorancës, pra me të ashtuquajturën “aferë ruse në politikën shqiptare”, KQZ i ka kërkuar PD-së që të dërgojë regjistrat zyrtare të shpenzimit të fushatës.
Deklarata e e plotë e KQZ-së:
Në zbatim të nenit 15/2, neni 23, të ligjit nr. 8580, datë 17.02.2000, “Për Partitë Politike”, i ndryshuar, si dhe akteve të miratuara nga KQZ, ju kujtojmë partive politike të regjistruara në Gjykatën e Rrethit Gjyqësor të Tiranës, detyrimin për të depozituar raportet financiare vjetore të vitit 2017, brenda datës 31.03.2018.
Sipas ligjit “Për Partitë Politike”, partitë politike, dorëzojnë raportet financiare vjetore një herë në vit pranë KQZ dhe duhet të jenë sipas regullave për raportimin e finananciar dhe duhet të përfshijnë informacion të hollësishëm për:
- a) burimet e financimit të partisë politike gjatë gjithë vitit kalendarik;
- b) shpenzimet e kryera nga partia politike
- c) subjektet e lidhura, drejtpërdrejtë ose tërthorazi, me partitë politike apo që kontrollohen prej tyre, të cilat deklarohen nga vetë partia politike;
si edhe çdo informacion tjetër që parashikon ligji “Për partitë Politike” për aktivitetin financiar të partisë politike.
Raportet duhet të depozitohen nëpërmjet personave përgjegjës për financat e partive politike, sipas formateve të standardizuara për raportimet financiare vjetore të miratuara me vendim të Komisionit Qendror të Zgjedhjeve.
Në zbatim të nenit 23/4 të ligjit “Për partitë politike”, shkelja e afatit të dorëzimit të raportit financiar në kohën e duhur apo paraqitja e raporteve në shkelje të formateve të standardizuara, të miratuara nga KQZ, dënohet me gjobë nga 50.000-100.000 lekë.
Theksojmë se, afati për dorëzimin e raporteve financiare nga partitë politike është data 31.03.2018. /tesheshi.com/
